गजल
विद्या सापकोटा, (हालः शंकरदेव कलेज, काठमाण्डौं)
साँझ ढल्दै जाँदा तिम्रो यादले मार्छ मलाई
हावा चल्दै जाँदा तिम्रो यादले मार्छ मलाई ।।
लहरिन्छौ स्पर्शमा लुकामारी खेल्दा पवन
आशा फल्दै जाँदा तिम्रो यादले मार्छ मलाई ।।
झलमल्ल आकाश नजरमा तिमी केवल
जून बल्दै जाँदा तिम्रो यादले मार्छ मलाई ।।
लुकिलुकि हान्छौ तीर हुन्छु म त्यसै घायल
आँखा छल्दै जाँदा तिम्रो यादले मार्छ मलाई ।।
सुनिदेउ न एकपल्ट धड्कन आफ्नै नामको
मुटु जल्दै जाँदा तिम्रो यादले मार्छ मलाई ।।
Comments
ramkrishna poudel
nice gazal like this