गजल
गीता थापा (दोषी), (हाल: इजरायल)
सुस्तरी बोल कसैले सुन्लान फेरि
बिनासित्ती झुठा कुरा बुन्लान फेरि
धेरै मिल्दा जुल्दा पनि शंका गरेर
औंला भाँच्दै गल्तिहरु चुन्लान फेरि
त्यसै पनि यहाँ निर्लज्ज छ दुनियाँ
दुनियाँ भन्दा निर्लज्ज भन्लान फेरि
सत्य देख्ने आँखामा कालो पट्टी बान्दा
असत्यको गुणानले गुन्लान फेरि
स्वन्त्रता र न्यायको कुरा उठाउँदा
सधैं अन्यायको घेरामा थुन्लान फेरि
Comments
ramkrishna
very nyce gazal like this