सात सामाजिक पाप
हरि घिमिरे, (भर्जिनिया)
१
राजनीति सँधै हुन्छ तर सिद्धान्त चाहियो
बिना सिद्धान्तमा हिड्ने क्षणभङ्गुर पाइयो
२
परिश्रम गरेमात्र कमाइन्छ धेरै धन
धनभित्र परिश्रम् होस् तब बनिन्छ सज्जन
३
आनन्द लिन जान्नेले विवेकी बन्नु पर्दछ
बिना विवेकी आनन्द पाप नै ठान्नु पर्दछ
४
खरो चरित्रको ज्ञानी ज्यादतीपूर्ण हुन्छ हे
सुसत्च्चरित्रको मान्छे स्वर्गको धुरी छुन्छ हे!
५
ब्यापार जसले गर्छ सम्झनुपर्छ-त्यो स्थिति
बिना नैतिकता कहाँ चल्छ जीवन पद्धति?
६
विज्ञान आजको शान चरम् उत्कर्ष देखियो
बिना मानवता त्यस्को राक्षसी रुप भेटियो
७
देशको वा अरुका नै भक्त ज्यादै बने पनि
वलिदानबिना कैल्यै मूल्य यौटै हुँदैन नि!!
Comments
हरि घिमिरे
१ सिद्धान्तको बिनाको राजनीति २ परिश्रम बिनाको धन ३ विवेक बिनाको आनन्द ४ चरित्र बिनाको ज्ञानी ५ नैतिकता बिनाको व्यापार ६ मानवता बिनाको विज्ञान ७वलिदान बिनाको भक्ति