हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

अन्तर मनको अनुभुति

बिमल गिरी, (ब्रस्सेल ,बेल्जियम)


पराग
जीबनको डुङ्गामा
तिम्रो प्रेमको चुम्बन
सौन्दर्यको कोमल स्पर्स
अङ्कित हुँदा
खुशीले गदगद हुँदै
सम्बेगात्मक अनुभुतिलाई
अर्पण गर्दै मनको कुइनेटोबाट 
घाम छर्न मन लाग्छ
रङ्ग बदल्न मन लाग्छ
सुहाइदिन मन लाग्छ
फुलको थुङ्गा भएर
पराग !
कैचिमार गुन्यु
चौबन्दी चोलो
काचका चुरा
ढुङ्री बुलाकिले सजिएकी
रहर र उमङ्गले भरिएकी
निधारमा रातो टिका
पसिनाले लतपत भिजेकी
पोक्ची गाला
पहाडकी परी
मेरी पराग !
आँखा कोल्ट्याएर
तिमीलाई हेर्नेहरुको बिच
जिन्दगीको भुगोल नाप्नेहरुको माझ
अक्करिलो भिर उक्लन
सजिलो कहाँ छ र ?
ब्वासाहरुको बगालमा
पराग !
भताभुङ्ग भएर
भत्किरहने मन सङ्गै
तिमीले भोगिरहेकी
अधबैसे दैनिकी
थिल्थिलिएर बिबसतामा
ढल्नुहुदैन
कसैसित रात साटेर के भयो र ?
परस्रीगमन गर्नेहरुको भिडमा
कुठाराघात गर्नेहरुको बगालमा
रङ्गिन चस्माले
सजिब चित्रलाई हेर्दा
खल्लो अनुभुतिहुनेहरुको माझमा
साइनी जोड्न अनर्थ
हुदोरहेछ
पराग
मनको क्यानभासमा
अनुभुतिहरुमा ।।।


bimalgiri@yahoo.com

Comments

सम्पर्क माध्यम

khasskhass@gmail.com
Share |