परिवर्तन
विपुर्ण तारा, ()
राजनीतिक शिक्षा र राजनीतिक बिकाशको
चकमन्न मेरो गाउँमा ,
कुनै एक राजनीतिक मान्छे
धपक्क बलेर
अन्धकारमय मेरो घरमा
आपतकालिन अवस्थामा झै,
उ लुते कुकुर लुसुक्क शरण लियो ।
मेरा आशाका दियो बालेर
उसको व्यक्तित्वलाई नियालेपछी
र उसले राजनीतिक पढाएपछी
मेरो एक भोटको आश्वासनपछी
भोटे कुकूर झै अर्को घर झम्टीयो ।
हम्मे थियो मलाई
उसका राजनीतिक कुरा बुझ्न
उसका बिकासका कुरा बुझ्न
किनकी विकट म,
अनि विकट मेरो गाउं,
यस्तो कुरा बुझ्दैन ।
मेरो गाउँमा बिकास भएको छैन
मेरो गाउँमा के छैन
मलाई था’छैन
तर उसले बतायो
र भन्यो बिकास गर्छु
मेरो एक भोट पछी
उसको जितमा ऊ हाँस्यो
उ गयो ।
चुनाव आयो चुनाव जित्यो
उ गयो
तर कहिल्यै नि बिकास आएन, न त उ आयो
उसलाई खोज्न म
उसका कार्यालय धाए
देखे –
उ मन्त्री भएछ
थोरै गर्व लाग्यो
तर दुख धेरै, किन कि
उसले मलाई चिनेन
र मेरो भोट ।