हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

बौलाहा कविको सपना

नर बहादुर दाहाल , (दार्जिलिंग)


मलाई पटक्कै निद्रा
लाग्दैन
तर पनि
म सधैं
तिमीलाई सपनामा देख्छु
कहिलेकाहीँ
चिट्ठी लेख्न बस्छु ।

तर
चिट्ठी लेख्दा लेख्दै
कविता पो लेख्छु
आघात पर्दा
म मरिमरि हाँस्छु
खुशी हुँदा
धुरुधुरु रुन्छु ।

तिम्रो मेरो प्रेमको
कुनै नाउँ नै छैन ।

तिम्रो माया
धेरै भएछ क्यार !
यसलाई कतै
राख्ने ठाउँ नै छैन ।

पृथ्वी सूर्यको वरिपरि
घूमोस कि नघूमोस
मेरो
मन त
तिम्रै वरिपरि
घुमे जस्तो लाग्छ ।
समयले छलेको
म एक्लो मान्छे
जीवन पनि
मदेखि
डराएर भाग्छ ।

Comments

सम्पर्क माध्यम

khasskhass@gmail.com
Share |