शान्ति
निशेष कार्की , (नेपाल )
म गाउँबेसीँ डुल्दै सङ्गीतको आडमा शान्ति माग्दैछु
हत्या र हिंसाको संसारदेखि टाढा विनोदप्रिय देशतिर लम्कदैछु
म बुझ्दै छु अनि करोडौं नेपालीको “ शान्ति ”हो एउटै चाहना
हाम्री नेपाल आमालाई सुहाउने “शान्ति ” एउटै हो गहना ।।।
बन्दुक बोकेका हातले अब हलो र जुवा समाई सिचाइ गर्नेछ यो धर्तीमा
रगतको होली खेलेको यो मन अब भुल्नेछ बुद्धको अर्तिमा
भो चाहिदैन नेपालीलाई अब हिंसाले सजिएको संसार
एकले अर्कालाई दिने छौं अब सेवा, बन्धुत्व र शान्ति उपहार ।।।
म देख्दैछु सङ्गीतको लहरमा शान्ति भित्रिदैछ
धम्काउने हप्काउने बन्दुकहरु दिनानुदिन थोत्रिदैछ
मेरो लागि शान्ति माग्ने यहि सारङ्गी औजार हो
यो शब्द, यो लय, अनि यो भाव शान्ति मार्गको श्रृङ्गार भो ।।।
Comments
baburam
IT is interesting poem.It reflects our nation situation. peace is necessary for our country.but,poet is in USA\'