हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

नयाँ वर्ष

रमेश खकुरेल , (काठमान्डौ )


 

नयाँ वर्ष आयो पुरानो गएछ

म यो हर्ष मानूँ कि त्यो दु:ख मानूँ

भएँ सत्तरीको जवानी गलेछ

म यो हर्ष-----

नयाँ आश यौटा सुनौला पलायो

उता आश यौटा अधूरै बिलायो

थियो त्यो जरूरी छ यो झन् जरूरी

म यो हर्ष----

 

नयाँ सूर्य झल्की उदायो अगाडि

अँध्यारो तमिस्रा कुनामा पछारी

मिठो माधवी यामिनी सिद्धिएछ

म यो हर्ष------

 

उता ओढनी तीन हाते छ मेरो

घटी एक बित्ता नपुग्ने छ फेरो

छ भन्दा छ राम्रो छ छोटो नराम्रो

म यो हर्ष-----

Comments

सम्पर्क माध्यम

khasskhass@gmail.com
Share |