नोबेल पुरस्कार
प्रकाश सायमी , (गोधुली संसार, ललितपुर )
पढ्नका लागि नोबेल पुरस्कार
दिनुपर्छ मलाई
आदर्श पाठक हुँ म ,
चाटिदिन्छु जे हात लागे पनि
सडकको नाम पढ्छु म
अनि चम्किला साइनबोर्ड ।
शौचालयका भित्ताहरु ।
त्यस्तै नयाँ मूल्यसूचिहरु पढ्छु ।
पुलिसका खबरहरु ,
अनि घोडादौडका अनुमान ।
अनि गाडीका नम्बर प्लेट ।
मजस्तो मान्छेका लागि
शब्द नै हुन् सबभन्दा पवित्र ।
ज्यूरीका महान् सदस्यगण !
झूठ बोलेर के पाउनु छ मलाई ।
पाठकका लागि रुपमा एकदम सख्त छु ।
चाटिदिन्छु सबथोक, छोड्दिन क्यैपनि ।
वर्गीकृत विज्ञापनसमेत
ठीक छ म धेरै पढ्दिन आजकाल ।
सीधा कुरा हो त्यति समय हुन्न मसित ।
तर – ओहो – यो के पढि पठाएछु मैले ..
त्यसैले त भन्दैछु , म तपाइँहरुलाई
दिइ नै दिनुस् मलाई
पढेकोमा नोबेल पुरस्कार
छिटो... भन्दा छिटो... ।