हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

निरीह उनिहरु…

आचार्य प्रभा, (बोल्डर, कोलोराडो)

प्रायोजित विचार बोकेर
शक्तिको होड गर्नेहरुको
रमिता हेरिरहेछन्
निरीह उनिहरु……

कहिले सुखको सँभावना पर्खेर
कहिले एकताको कल्पना गरेर
फेरि…नयाँ आयाम पलाउने आशामा
जसै तसै बाचिरहेछन उनिहरु ।

बन्धकिमा परेको छ सबैको हाँसो
खुशीहरु विस्थापित भएका छन्
आफ्नै धरती पराई बनिरहेछ
लडखडाउँदैछन् अगाडि बढ्ने पाईलाहरु ।

एक हौं भन्ने औंलाहरुमा
भागबण्डामा लागिरहेछ अँशवण्डाको
माटो मेरो हो या स्वाभिमान मेरो
निर्क्यौल  गर्न असमर्थ छ मन
रितिँदैछ आमाको काख
तर…बाध्य छ
मौन बस्न ईक्षाहरु ।

बे लगाम भएर दौडिरहेछन्
नियम र कानुनहरु
रमितेको रमिता भईरहेछ
कानुनका किताब र प्रशासनहरु ।

Comments

सम्पर्क माध्यम

khasskhass@gmail.com
Share |