गजल
दिवाकर भट्टराई, (दमौली,तनहुँ )
निसन्देह प्रेम बज्रपात नहोस् प्रेम दिवसमा
रातो गुलाब अज्ञात नहोस् प्रेम दिवसमा ।
नयनको पर्दामा नलुकाउनु यादलाई कसैको
भन्नुहोस् चाँडो रात नहोस् प्रेम दिवसमा ।
प्रेमको कठघरामा मान्छे रुन हाँस्न सिक्छ
बिछोड र बिश्वाशघात नहोस् प्रेम दिवसमा ।
बास्नादार फूलहरु फुल्न फक्रन दिनुपर्छ
भेदभाव कहीँ जात नहोस् प्रेम दिवसमा ।
जबर्जस्ती प्रेम दर्शाउँनु विकृति ठानिन्छ
प्रतिरोधमा कतै मात नहोस् प्रेम दिवसमा ।