आधा घैँटो पानी
हरि पौडेल , (नेदरल्यान्ड)
मेरो स्थान यहाँ हो भनि
म छचल्किएको होइन
न मेरो उपस्थिती यहाँ छ भनि
छचल्किएको हुँ
आधा घैँटो पानी
छचल्किनु त स्वाभाविक हो
आगोको धर्म पोल्नु हो
पानीको धर्म शितल दिनु हो
कसैको धर्म श्रृष्टि गर्नु हो
भने
कसैको धर्म संहार गर्नु हो
मेरो धर्म ??
भैगो ! अघि भनि हाले नी !
आधा घैँटो पानी
छचल्किनु त स्वाभाविक हो
जल भन्दा सुक्ष्म ज्ञान हो भन्छन
क्रोध आगोभन्दा पनि जलनशील रे !
पाप पृथ्वीभन्दा पनि गर्हौ भन्छन
कलंक गाजलभन्दा पनि कालो रे !
दर्शनका कुराहरु जस्ता छन्
ओहो ! कसरि यो ज्ञान पाइस
भन्नु हुला नी !
भैगो ! अघि भनि हाले नी !
आधा घैँटो पानी
छचल्किनु त स्वाभाविक हो
सुखदेव जन्मदै सार्है ज्ञानी थिए भन्छन
रुँदै पछिलागेका बाबुआमालाई
जन्म मृत्युको पाठ पढाउँदै
बन तिर लागे रे !
श्री कृष्णले पनि
जन्म मृत्युको पाठ पढाउँदै
अर्जुनलाइ युद्ध गर्न लगाए भन्छन
जन्म मृत्युको अर्थ बुझ्ने
कर्म योगी भई
मृत्युको डरलाई जितेछन रे !
तैले त बुझिछस भन्नु होला नी !
भैगो ! अघि भनि हाले नी !
आधा घैँटो पानी
छचल्किनु त स्वाभाविक हो
सबै विद्वान बुद्धिमान
कहाँ हुन्छ र ?
बुद्धी त प्राकृतिक हो
ईश्वरको देन हो
त्रेतायुगमा रावण जस्तो विद्वान
अरु कोइ थिएनन रे !
किन मुर्ख रावण भनि भन्छन ?
ऋषी मुनी सबै
जन्मजात ज्ञानी नै हुन्छन
भन्ने पनि कहाँ हो र !
हत्यारा बाल्मिकी पनि
महर्षी हुनसक्दारैछन् त !
मानवी र राक्षसी स्वभावमा
अति सुक्ष्म फरक पो रहेछ त !
अब "हरि" यत्रो बुद्धी कहाँबाट पाइस
भन्नु होला नी !
भैगो ! अघि भनि हाले नी !
आधा घैँटो पानी
छचल्किनु त स्वाभाविक हो
Comments
Hari Paudel
मेरो रचनालाई यस वेब साइटको योग्य सम्झनु भएकोमा KhassKhass परिवारलाई आभारिका साथ धेरै धेरै धन्यवाद दिन चाहन्छु र उत्तरोत्तर प्रगतिको कामना गर्दछु। हरि पौडेल नेदरलैंड