२०७० साले दशैं
बामदेव सिग्देल “विश्वास”, (काठमाडौं)
जमीनबाट उठन नसकेका
अनगिन्ती छाप्राहरु
भोका पेटहरु
ढिक्को बनेर जमेको परिस्थिति
मान्छेका अपुरा इक्षाहरु
खैं !
यो दशैं पनि पोहर झैं
भरिया भएर
यात्रु भएर
टाढाको लामो
यात्राको लागि
लाम लागे जस्तो
अनिदा आँखाहरु
आमाको
सेताम्य फुलेका कपाल
राता चुरा विनाका
चेली बेटीका हात
विजय बिनाको टिका र जमरा
भय र त्राश उस्तै
भोक, रोग र शोक पनि उस्तै उस्तै
सुक्न लागेको टीका र ओईलाएको जमरा घुसार्नै पर्ने
वाध्यताको दशैं नेपालीलाई कस्तो कस्तो ।
००००