जिन्दगी पियाई
निश्चल काउचा, (दक्षिण कोरिया)
कहिले जिन्दगी सिउदै पिएँ
कहिले आँशु पिउदै पिएँ
कहिले तिम्रो खुशीमा पिएँ
कहिले मेरो पिडामा पिएँ
जिन्दगीका उकालीहरू धाउदा- धाउदै पिएँ
जिन्दगीका ओरालीहरू झर्दा झर्दै पिएँ
जिन्दगी शिशिरमा उराठ-उराठ हुँदा त पिएँ-पिएँ
जिन्दगी ढकमक्क फुल्दा पनि पिएँ
नुनसँग पिएँ, चिनीसँग पिएँ
जेसँग पिए पनि जिन्दगी पियाई उस्तै-उस्तै लाग्यो । मलाई !
आजकाल मैले फिक्का-फिक्का पिउदैछु
सबै भन्दा बढि देश दुखेको पिडामा पिएँ
कति पिउनु हो साथी देश दुखेको पिडामा
तिम्रो कसम प्रिय अब देखि पिउदै पिउदिन
तर आज मैले
म यो धर्तिमा झरेको उपलक्ष्यमा पिएँ
