गजल
विजय कोइराला, (झापा, नेपाल)
समाज पनि उस्तै जुनु जात मिल्दैन रे
लाखौं कोसिस गरौँ अझै बात मिल्दैन रे
बिताएका पलहरुले मनमुटु चिरिदिन्छ
संगै खेली हाँसेका ती रात मिल्दैन रे
एउटा मुटु एउटा मन तिम्रो मेरो सधैँ
दु:ख पर्दा सुमसुमाउने हात मिल्दैन रे
डर धेरै कम्पन धेरै बिछोडिने पीडा
खुसी दिने मायाका ती खात मिल्दैन रे
सानो छु रे तिमी भन्दा पैतालाको धुलो
ज्यान जाओस् मलाई तिम्रो साथ मिल्दैन रे