पहाड र मेरा बा
कृष्ण कट्टेल, (सिटिजन एफएम, काठमाण्डौ । )
असंख्य पहाडहरुको पत्रमा
उभ्भिएको एउटा पहाड
त्यहि पहाडले जन्माएको मेरा बा
आजसम्म उसकै छातिमा हुर्किएर
स्याहारिरहेछन त्यहि पहाडलाई ।
शिशिरमा उजाडिएको पहाडको खुसी
मेरै बाको पसिनाबाट फर्किन्छ बसन्तमा
अनि लगाउँछ हरियो लाली
कुनै साइड इफेक्ट नहुने ।
बरु देखिन्छ उल्टै
हराभरा र सम्पन्नशाली ।
त्यहि पहाड हो
मेरा बाको सबैथोक
अनि मेरो पनि इश्वर
त्यहिँ रोपिएको पसिना
मोति भइदिएर नै
रगत पसेको हो मेरो मुटुमा ।
कहिले गल्र्याम्म लडिदिन्छ पहाडको एक कुना
पर्खाल लगाउछन मेरा बा
अनि फोरेर चट्टान, माटो बनाउँछन ।
रोप्छन,हुर्काउछन, फलाउँछन् अक्सिजन
त्यसैले मुटुभन्दा प्यारो ठान्छन मेरा बा
यो पहाडलाइ, यो देशलाइ ।
