गजल
जेबी खत्री, ( )
चाहदैन आफन्तले आफन्तको भलाई यहाँ ।
आजसम्म आफन्तको साथ छैन मलाई यहाँ ।।
जसलाई मैले हात दिएँ,जसलाई साथ दिएँ
तिनै अहिले पराई भए मेरो मन जलाई यहाँ ।
रेखदेख संरक्षण भरणपोषण गर्दै ल्याएँ मैले
उनै अहिले साँढे भए मेरो जीवन ढलाई यहाँ ।
अलिकति थियो खुशी त्यो पनि बाँड्दै ल्याएँ
छालामासु सबै लुछे कङ्काल बनाए मलाई यहाँ ।
जसको खुशी चाँहे मैले उसैले मेरो खुशी लुट्यो
हृदयमा यति ठूलो बज्रपात पयो मलाई यहाँ ।।