संघर्षका पर्खाल हरु
आचार्य प्रभा, (कोलोराडो)
तिमीले उन्मुक्त हाँसो हाँस्नका लागि धेरै पर्खाल हरु
नाघ्न पर्यो शायद ,
के अब पनि तिमी त्यस्तै मीठो आशाको अभिष्ठमा
अल्झिरहेकाछौ ?
या त कुनै अर्कै आशारुपि मोहमा
फसी रहेकाछौ तिमी ?
हो तिमीले, मान्न तयार हुनु पर्छ
न्यानो आशा देखाएर तिमीलाई
इन्द्रेणी सपना बुनिदिने हज्जार हुन्छन /
यसरी एक पछी अर्को, अर्को पछी अर्को
सपना सजाइदिने लाखौं आउछन /
त र पर्खाइको अन्तरालभित्र तिम्रा इक्षा आकाँक्षाहरुमा
धमिरा लाग्न सक्छन
तिम्रो जिजीबिषामा आघात पर्न सक्छ
त्यसैले मेरो अनुरोध ,
झिनो आशाको प्रतिक्षामा तिम्रो अमूल्य समय
नष्ट नगर ,
कसैको झुटो आश्वासनमा आफ्नो मनुष्त्यवलाई बन्धकी नराख
बरु सक्छौ भने संघर्षरत बन
आफ्नो प्राकृतिक हाँसो बचाइ राख्न अनी सफल बन
उन्मुक्त हाँसोलाई
छेक्ने पर्खाल्हरुलाई साहसको हात हरुले ढलाउन
