गजल
बिनोद खड्का, (हाल - दोहा, कतार)
तिम्रै नाममा गीत गाएँ माया साँचे तिम्रै लागी
दिलमा गाँठो पर्दा पनि केवल बाँचे तिम्रै लागी ।
तिम्रै खुसी तिम्रै माया हरपल उर्लिएर आउँदा
लजाएर सर्माएर पनि रोधी नाँचे तिम्रै लागी ।
सपनीमा विपनीमा हर एकान्तमा छायौ तिमी
माया पनि कस्तो गाढा बस्यॊ गीत रचे तिम्रै लागी ।
मन मोडिएको छैन प्रिय सम्झनामा तिमी नै छयौ
प्रवासको निरस यात्रा तैपनि दिल जाँचे तिम्रै लागी ।
२३ मे २००९