मनभित्रका भाव
गीता खत्री, (न्यृ्योर्क)
आजभोलि लौन सखी के भएको यस्तो
फूलले पनि मलाई हेर्दै लजाएको जस्तो
बसन्तको बहारले मलाई चुमे चुमे जस्तो
जवानीको अँग अँग छचल्कीएको जस्तो
कता कता चोली पनि साँगुरीए जस्तो
सपनीमै कोहीसँग बात मारे जस्तो
कता कता मनै पनि उडे उडे जस्तो
आफ्नै मन वशमा नभई अरुकै भएजस्तो
परेलीको भाषा पनि बुझे बुझे जस्तो
लजाउने बानी पनि बढे बढे जस्तो
तिम्रै काखको सिरानीमा डुबिरहेजस्तो
आजभोलि लौन सखी के भएको यस्तो ।