नयाँ वर्ष
रजनी श्रेष्ठ, (भर्जिनिया)
नयाँ वर्षको शुभआरम्भ हुन्छ,
पल पलको संगालोमा
प्रत्येक घण्टा बन्छ
प्रत्येक घण्टाको २४औ फन्को भित्र
दिन र रात को
क्रम जारि हुन्छ
लगभग तिस दिनको एक मुट्ठी भित्र,
महिनाको आगमन हुन्छ
१२ महिनाको फूलबारीमा
एक वर्षको मुल्यांकन हुन्छ
तीता, मीठा सत्य र असत्यको
घटनाहरु बोकेर,
यहि बाह्र महिनाभित्र
नरचोलीहरु फेरिएको हुन्छ
कुनै न कुनै बहानामा
आउने र जाने क्रम भै रहेकै हुन्छ
प्रकृतिको नियम भित्र
बिछोड र मिलन भैरहेकै हुन्छ |
हो यो समय हो
समयको नियम पनि हो
नयालाई स्वागत गर्ने
पुरानोलाई बिदाई दिने
बुझ्नु पर्ने पनि हो
कतिपय बुझेकै पनि हो
तर पनि किन यस्तो भैरहेछ !
शान्तिको नाममा कलह
सुन्दर सपनाको लालसामा
कहिले धनको लोभमा
कहिले स्वतन्त्रताको नाममा
मानब मानब बीच हत्या भैरहेछ
धर्मको नाममा अधर्म गरिरहेछ
मेरो अनुरोध छ
२०६७ सालले सबैमा स्वच्छ विचार छरीदेउ
शान्तिको नाममा हुने कलहलाई हटाई देउ
मानब कल्यानार्थ सुख समृद्धि र शान्ति छरी देउ
सबै सुखी होउन यही बरदान देउ |