गजल
भुपेन्द्र महत, (कोलोराडो)
नयाँ बर्ष, तिमिले एउटा आयाम थाल्नु पर्यो
चेतनाको दियालो निभाए, तिमीले बाल्नु पर्यो
धुजा धुजा भै मक्की सक्या छ इज्जत आबरु नि
सके देखि आउनु, देश यो मिलेर टाल्नु पर्यो
भोका छन् यहाँका उपिया, उडुस जति डसे नि
खोजि खोजि लेराउ अचुक ओखती हाल्नु पर्यो
खै कसरी कुहियो टाउका ति आलु कुहिए झै
गन्हाउन थालेछ गिदीको फोहोर फाल्नु पर्यो
माटो दुखे सुखी को? चुहिए छाना ओतिन्छ को?
हातेमालो गरेर एउटा कदम चाल्नु पर्यो