गजल
मिथिला प्याकुर्याल, (तोरीखेत, चितवन ।)
सपनीमा निभ्न लाको प्रकाश देखेकी छु
कालो नीलो मडारिँदो आकाश देखेकी छु
कस्तो देखेँ सपनी पनि आज है दैव
दैलो खोल्दा सँघारमा आफ्नै लाश देखेकी छु
अब फेरि केही अपसकुन हुनु रैछ क्या रे
ढक्कमक्क शिरमा मेरो पलाँस देखेकी छु
खस्तै बगेकीछु लड्दै भागेकी छु कही
पाखाभरि सेतैसेतै गुराँस देखेकी छु
मेरो सपना कसैलाई पनि नलागोस् है दैव
नराम्रो सपना आजकाल एक तमाश देखेकी छु
Comments
pratigya
Very Nice Ghazal. She is one of the best. keep it up