आजभोली
गीता खत्री, (न्युयोर्क)
आजभोलि किन होला निंद छैन परेलीमा
भमरा नि घुम्न छाड्यो फूलको तरेलीमा ।
पिरतीको नसा लाग्यो मात लाग्ने हो कि
भेटौं भने तिमीलाई बात लाग्ने हो कि ।
आंखाभरि तिम्रै तस्वीर मुटुभरि माया
चाहनाको फूल फुल्यो मनको दायाँ बायाँ ।
यो मुटुको पानाभरि तिम्रै नाम लेख्न थालेँ
रातभरि सपनीमा तिमीलाई नै देख्न थालेँ
इच्छा मनको कैले पुग्ला संगै बस्ने संगै हांस्ने
जुनीजुनी नचुडिने पिरतीको माला गांस्ने |
आजभोलि किन होला निंद छैन परेलीमा
भमरा नि घुम्न छाड्यो फूलको तरेलीमा ।
Comments
prakriti
Ekadam ramro lagyo.tapaiko kabita!
bheskhadka
sari ramro 6 tapai ko kabita geet sabi
