जीविकाको खेतमा
गोपाल रेग्मी, (भर्जिनिया)
जीविकाको खेतमा
जब कर्मको खडेरी लाग्छ,
पहेंलिंछ्न उन्नयनका बिऊहरू,
हराउंछन खुशीका निहुंहरु !
बन्द हुन्छन भरोसाका
नदी, खोला र नहरहरू
बिरानिदै बिरानिदै जान्छन
सपनाका शहरहरु
टाढीँदै टाढीँदै जान्छन
कोरलेका रहरहरु
झेल्सिंदै चिन्ताको आगोमा
युग बन्छन प्रहरहरू
सुखमा हंसिदिने त संसार नै छ
कस्ले बाँड्छ र? जिउनुका कहरहरु |
जीविकाको खेतमा
जब कर्मको वर्षा लाग्छ,
उम्रन्छन् प्रगतिका मूलहरु,
फक्रन्छन खुशीका फूलहरु !
बधाईका खाती लाग्छन
खुशी बांड्नेका ताँती लाग्छन !
त्यसैले,
कर्म तिम्रो साथी हो,
ईश्वर भन्दा माथि हो !