गजल
बसन्त मोहन अधिकारी, (चितवन)
खबर पढे आँशुसंगै कपिलवस्तु याद आयो
खारा बारा त्यै घटना आज राजपुरमा छायो
बैनी रुन्छिन् मझेरीमा भाउजु चौकी भित्र
यस्ता पापि शत्रुसंग कसले मित लायो -
छाती भित्र मुटु भए थोरै कतै सोची देउन
वीर नेपाली तिमीलाई आज कसले दायो -
कुर्ची प्यारो रैछ तिम्लाई मर्दा पनि साथ लग्नु
यो आमाको देह लुट्न पापि राक्षस धायो ।
भोका रैछन् दाजुहरु खाना खान लडीराछन्
नामर्द यि छोरा हुँदा हेर देह लुट्न पायो