वासना!
हरि घिमिरे, (भर्जिनिया)
त्यस्तो माया केका लागि जहाँ त्यसको 'सास' छैन
वासनाको भूमरिमा बाँच्ने कुनै 'आस' छैन
चन्द्र-सूर्य-आगो-आकास-धर्ति सबै साक्षी राख
विश्वासबिना जिन्दगीको कुनै राम्रो 'वास' छैन
सँगै हिड,सँगै बस सँग-सँगै खाऊ
आत्मीयता भरिएको कुनै यौटा 'गाँस' छैन
युगौं-युग सँगै बाँच्ने सहीछाप गरे पनि
छिमेकीले नहेरेको कुनै यौटा 'मास' छैन
भन अब पिरतीको परिभाषा कस्तो हुन्छ?
अर्थ खोज्न जाउँ भने कुनै 'इतिहास' छैन।