हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

कोलोराडो घुम्न जाँदा-३,(बासु श्रेष्ठ)

मे २६

यहाँ पुगेपछि क्यासल रक अवश्य पुग्नु भन्ने ल्फोरिडा निवासी कथाकार मित्र सुन्दर जोशीको आग्रह भने पुरा गर्न सकिएन । क्यासल रकलाई केन्द्र विन्दु बनाएर वहाँले लेख्नुभएको कथा खसखस डट कममा प्रकाशोन्मुख भएकोले पनि वहाँले विशेष आग्रह गर्नुभएको थियो । तर…सोचेको र खोजेको सबै कहाँ हुने रहेछ र ? क्यासल रक के हो र कस्तो छ भन्ने कुरा देख्न नपाए पनि कथाबाटै जानकारी लिने धोको राखेको छुँ । यति थाहा भयो कि यो स्थान पहाडको टुप्पोमा छ र यो किल्ला जस्तो भएको र चट्टानबाट बनेकोले यसलाई क्यासल रक भनिएको हो । बाँकि कुरा सुन्दरजीको कथाले नै उद्घोष गर्ने छ ।

रेड रक्स
भाई (दाईको कान्छो छोरा गौरव) सँग रेड रक्स भन्ने ठाउँमा घुम्न गईयो । घरबाट साठी माईलको दूरीमा रहेको यो विशाल रातो ढुँगालाई रेड रक्स भनिँदो रहेछ । दुई विशाल रातो चट्टानको विचमा खुल्ला प्रेक्षालय (एम्पि थिएटर) रहेछ जहाँ बेला बेलामा कन्सर्ट सांगितिक  भेला हुँदो रहेछ । यस प्रेक्षालयको विशेषता भने मंचबाट टाढा या पछाडि बस्ने व्यक्तिलेपनि विना माईक या स्पिकर नै कलाकारको आवाज सुन्न सक्दो रहेछ । मंचमा बोलेको आवाज दुई चटटानको भित्तैभित्ता प्रतिध्वनित भएर पछाडिको श्रोताले सुन्ने रहेछ । हरियो डाँडाको फेदैमा रहेको यो रातो चट्टान किन र कसरी आयो भन्ने प्रश्न सजिलै उब्जन सक्छ रेड रक्सको प्रेक्षालयमा उभिएर हेर्दा । सन् १९५१ देखि यहाँ कन्सर्ट शुरु भए यता थुप्रै ख्यातिप्राप्त गायकहरुले आफ्नो गायन कला प्रस्तुत गरिसकेका रहेछन् । यहाँ गायन कला प्रस्तुत गरेर प्रख्यात हुन चाहने कलाकारहरुलाई शुभकामना अनि भएकाहरुलाई बधाई भन्दै घरतर्फ लाग्यौँ ।


बाटोमा भाईले रक्सी बिक्री गर्ने पसलको सन्दर्भमा सँसारको सबैभन्दा ठुलो रक्सी पसल कोलोराडोमा नै भएको बताए । तुरुन्तै हेर्ने रहर जाग्यो र भाईले गाडीपनि तुरुन्त उतैतर्फ मोड्यो । डेवको लिकर्स नामक उक्त पसल नभन्दै विशाल रहेछ । एउटा सुपर मार्केटको आकार अर्थात १०२,००० स्क्वायर फिटमा फैलिएको यस पसलमा नौ हजार प्रकारका वाईन, चौबिस शय प्रकारका रक्सी अनि आठशय प्रकारका बियरहरु राखिएका छन् । विश्व किर्तिमानको अभिलेख राख्ने गिनेस बुक अफ वल्र्डमा दर्ता गराउन सफल भएको यो पसल जोर्डनबाट आएका आप्रवासीबाट सन् २००६ मा खोलिएको रहेछ । डेनभर नजिकको थ्रोण्टन नामक शहरमा अवस्थित यो पसलमा तपाई  डेनभर पुग्नुभयो भने एकपटक अवश्य पस्नुहोला । केहि वाईन,  रक्सी या वियर खरिद गर्नु छ भने मौका नछोड्नु होला । यहाँ अन्य पसलमा भन्दा सस्तो भएको मैले अनुभन गरेँ ।..... क्रमश:

Comments

सम्पर्क माध्यम

khasskhass@gmail.com
Share |