क्यालिफोर्नियामा प्रेरणाको एकल कविता वाचन सम्पन्न,(बासु ढकाल )
कार्यक्रम संयोजक –बासु ढकाल
३ अक्टोवर, वर्कली, क्यालिफोर्निया
साहित्य संजाल अमेरिका, विश्व नेपाली साहित्य महासंघ तथा अनेसास क्यालिफोर्नियाको संयुक्त आयोजनामा नेपाली साहित्यका वहुमुखी प्रतिभा गोविन्द गिरी प्रेरणाको एकल कविता वाचन यहाँस्थित हिमालयन फ्लेभोर रेष्टुँरामा सम्पन्न भयो ।
सो समारोहमा कवि प्रेरणाले एक दर्जन भन्दा वढी कविताहरु वाचन गर्नुका साथै आफ्नो काव्ययात्रा तथा लेखनको विषयमा समेत जानकारी गराउनु भएको थियो ।
कार्यक्रमको शुरुमा कवि प्रेरणाको विषयमा कवि हरिहर दाहालले मन्तव्य राख्नु भएको थियो भने गणेश तिम्सिनाले स्वागत मन्तव्य प्रस्तुत गर्नु भएको थियो ।
कवि प्रेरणाको एकल कविता वाचन अघि स्थानिय तथा अन्य कवि कवयित्रीहरु हरिहर दाहाल, विष्णु गुरुँग, गणेश तिम्सिना, मणि नेपाली पनेरु, राजेन्द्र खनाल तथा विमला शर्माले कविता वाचन गर्नु भएको थियो ।
कार्यक्रमको अन्तमा कवि प्रेरणालाई आयोजकका तर्फवाट कार्यक्रमका सभापति न्यान्सका अध्यक्ष घनप्रसाद दवाडीले सम्मान पत्र प्रदान गर्नु भएको थियो ।
यस अघि गत अगस्तमा एटलाण्टामा कवि प्रेरणाको एकल कविता वाचन सम्पन्न भएको थियो ।