अन्तरराष्ट्रिय साहित्य सम्मेलन अमेरिकाको डिसीमा हुने ,(समाचार प्रतिनिधि)
ए. एन. ए. नेपाली साहित्य प्रतिष्ठान, उत्तर अमेरिकाले अमेरिकाको वाशिंगटन डिसीमा अन्तरराष्ट्रिय साहित्य सम्मेलन गर्ने भएको छ | प्रतिष्ठानका अध्यक्ष बसन्त श्रेष्ठको अध्यक्षतामा हालै बसेको बैठकले उक्त निर्णय गरेको हो|
आगामी जुलाईमा डिसी मेट्रोमा हुने.ए एन. ए को ३२ औं सम्मेलनका अवसर पारेर गरिने उक्त सम्मेलनमा नेपाली साहित्यका प्रतिनिधि व्यक्तित्वको सहभागिता रहने प्रतिष्ठानले जनाएको छ
तीनदिने सम्मेलनमा कार्यपत्र प्रस्तुत, कविता बाचन तथा अन्तरक्रिया लगायतका कार्यक्रम रहने छन| यसैगरि बैठकमा प्रतिष्ठानले हालै मात्र बैधानिकता प्राप्त गरेको जानकारी गराउदै वर्तमान कार्य समितिलाई नै आगामी कार्यकालकालागि निरन्तरता दिने निर्णय पनि गरेको छ | बैठकले हालै न्युयोर्कमा सम्पन्न अन्तरराष्ट्रिय कविता प्रतियोगितामा पुरस्कृत कबिहरू नेपालमा नै रहेकाले यथासिघ्र काठमाडौँमा कार्यक्रम गरि पुरस्कार समर्पण गर्ने निर्णय पनि गरेको छ| प्रतियोगितामा पदम गौतम , हरिमाया भेटवाल, ईश्वरमणि अधिकारीले क्रमश: प्रथम, दितीय र तृतीय भै एक हजार, तीनसय र दुईसय डलर नगद पुरस्कार प्राप्त गरेका थिए. |
बैठकमा प्रतिष्ठानका अध्यक्ष बसन्त श्रेष्ठ, उपाध्यक्ष विनोद रोका, महासचिव हेमन्त श्रेष्ठ तथा सदस्यहरू गोविन्दसिंह रावत, गोबर्धन पूजा, बिटु केसी ,कृष्णमुरारी ढुंगेल, निलम कार्की निहारिका लगायतको सहभागिता रहेको थियो|