केशु विरहीको नयाँ कृति 'सुलोचना' बजारमा,(खसखस डट कम संवाददाता)
युवा साहित्यकार केशु 'विरही' नौलो कृति 'सुलोचना' कथा सङ्ग्रह लिएर पाठक सामु आएका छन् | शव्दहार क्रिएशनस् प्रकाशक रहेको यस कथा सङ्ग्रहमा १५ कथाहरु समावेश छन् |
"स्रष्टासंगको निकटता वा उसको उपस्थिति भनेकै उसको सिर्जना नै हो नकि उस्को भौतिक उपस्थिति । हो म पनि यहाँहरू सामू यही कृति मार्फत उपस्थित भएको छु ।" भन्दै साहित्यकार विरही पाठकहरुबाट उचित सल्लाह पाउने आशा राख्दै कृतिमा रहेका कमजोरीहरुप्रती निर्धक्क औंल्याउन अनुरोध गरेका छन् |
केशुका यसभन्दा अघि प्रकाशित कृतिहरुमा कहाली लाग्दा गोरेटोहरु (उपन्यास)- सहलेखन; आमाको माया (उपन्यास), सुस्केरा (सामुहिक सङ्कलन); दन्किएको आगो (गजल सङ्ग्रह); भाष्कर वंशावली (वंशावली) प्रकाशित भइ सकेका छन् भने उनका अनुसार पुतली- बाल कथा सङ्ग्रह; भलाद्मी- लघुकथा सङ्ग्रह, तेर्हथुमे प्रतिनिधि गजलहरु, गजल: विम्ब र प्रतिविम्ब- गजल समालोचनाहरु प्रकाशोन्मुख छन् |
