हालसालैका लेखहरु : लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ ) दशैँ ,(सुशील शाह)

‘मृत्युञ्जय जीवन’को समीक्षा,(कास)

समाचारदाता, १६ साउन ।
रोल्पा । कवि गंगामुक्ति पुनको खण्डकाव्य ‘मृत्युञ्जय जीवन’को शनिबार लिबाङमा समीक्षा गरिएको छ । राप्ती साहित्य परिषद् जिल्ला शाखा रोल्पाद्वारा आयोजित कृति समीक्षा कार्यक्रमको पाँचौ शृङ्खलामा पुनको खण्डकाव्यमाथि समीक्षा गरिएको हो ।
कृतिमाथि साहित्यकार डी.बी. टुहुरोले समीक्षा गरेका थिए । २०६३ सालमा प्रकाशित खण्डकाव्य गद्यलयमा लेखिएको टुहुरोले बताए । नेपालीहरुको विरता र सहिदहरुको सम्झनाले भरिएको खण्डकाव्य वीररसमा रहेको टुहुरोले बताए । कार्यक्रम कवि नवीन लोचनमगरले कवि गंगामुक्ति पुनको व्यक्तित्वमाथि चर्चा गरेका थिए । लामो समय जेल जीवन बस्दा त्यहीभित्र उनले सिर्जनाकर्म गरेको बताए ।
कार्यक्रममा बोल्दै गंगामुक्ति पुनले जेल जीवनबाट फर्किदा ल्याएका तीनवटा कृतिहरुमध्ये एउटामात्र प्रकाशित भएको र २ वटा कृतिको पाण्डुलिपि अझै पनि आफूसँग रहेको बताए । समय मिलाएर प्रकाशन गर्ने सोचमा रहेको समेत उनले बताए । थुप्रै फुटकर रचनाहरु प्रकाशन तथा प्रशारण भएको बताउँदै तिनीहरुलाई संरक्षण गर्न नसकेको समेत उनले बताए ।
जिल्ला शाखा उपाध्यक्ष मोहन सहयात्री परियारको स्वागत मन्तव्यबाट सुरु भएको कार्यक्रमको सञ्चालन सचिव नारायण रेग्मी जिज्ञासुले गरेका थिए भने गोकर्ण पुनको अध्यक्षतामा कार्यक्रम सम्पन्न भएको थियो ।

Comments

सम्पर्क माध्यम

khasskhass@gmail.com
Share |