प्रज्ञा पुरस्कार वितरण ,(खसखस डट कम)
प्रज्ञा प्रतिष्ठानबाट प्रेषित समाचारका अनुसार २०६९-२०७० कोलागि
नेपाल प्रज्ञा भाषा पुरस्कार प्रा डा माधवप्रसाद पोखरेल र २०७१-२०७२ को नेपाल
प्रज्ञा भाषा पुरस्कार प्रा डा नोबल किशोर
राईलाई प्रदान गरिने भएको छ।
नेपाल प्रज्ञा–प्रतिष्ठानको ३०औँ प्राज्ञ सभाले उनीहरुलाई क्रमशः २०६९–७० र २०७१–७२ वर्षका लागि उक्त पुरस्कार प्रदान गर्ने निर्णय गरेको हो।
त्यसैगरी, नेपाल प्रज्ञा संस्कृति, दर्शन र सामाजिक शास्त्र पुरस्कार डा राजेन्द्रप्रसाद विमल (२०६९–७०) र डा जगमान गुरुङ (२०७१–७२) लाई प्रदान गरिने छ। दधिराज सुवेदी (२०७०), गीता केशरी (२०७१) र नरेशकुमार शाक्य (२०७२) नेपाल प्रज्ञा नेपाली साहित्य पुरस्कारका लागि छनोट हुनुभएको छ ।
नेपाल प्रज्ञा मातृभाषा साहित्य पुरस्कारअन्तर्गत हिमाल पहाडमा बोलिने मातृभाषा साहित्यका लागि येहाङ लावती (लिम्बू भाषा) २०७०, प्रतिसरा सायमी (नेपाल भाषा) २०७१ र गडुलमान राई (राई चाम्लिङ भाषा) २०७२ का लागि छनोट भएका छन्।
तराईमा बोलिने मातृभाषा साहित्यका लागि महेश चौधरी (थारु भाषा) २०७०, सच्चिदानन्द चौबे (अवधी भाषा) २०७१ र फुलसिंह राजवंशी (राजवंशी भाषा) २०७२ का लागि छनोट भएका छन्।
