हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

वरिष्ठ साहित्यकार दीक्षितको निधन,(बासु श्रेष्ठ)


वरिष्ठ साहित्यकार तथा मदन पुरस्कार गुठिका अध्यक्ष कमलमणि दीक्षितको ८७ वर्षको उमेरमा डिसेम्बर २८ का दिन काठमाण्डौँको बि एण्ड बि अस्पतालमा निधन भएको छ । केहि समय देखि श्वासप्रश्वासमा समस्या देखिएको कारणले अस्पताल भर्ना हुनुभएका दीक्षितमा फोक्सोमा क्यान्सर भएकोपनि थाहा भएको विश्वस्त सूत्र बताउँछ । तर, वहाँको निधनको कारण भने निमोनिया रहेको छ । वहाँको जन्म भदौ कुशे औँशीका दिन काठमाण्डौको गैह्रिधारमा भएको थियो ।

साहित्यिक अनुसन्धानमा थुप्रै कलम चलाउनु भएका दीक्षितले हिमालखबर पत्रिकामा पुस्तक सम्पदा स्तम्भमा २५ लेखहरु प्रकाशित गराउनु भएको थियो । ति सबै लेखहरु नेपाली भाषामा प्रकाशित ऐतिहासिक २५ कृति जसले देश र समाजमा अहँ भूमिका खेलेको थियोका बारेमा चर्चा गरिएको थियो । र यि लेखहरुको सँग्रह प्रकाशन गर्ने तरखरमा हुनुहुन्थ्यो । यसका साथै “जगदम्बा नेपाली साहित्यको बृहत् इतिहास” नामक कृतिपनि प्रकाशन गर्ने तरखरमा हुनुहुन्थ्यो । यसकोलागी वरिष्ठ समालोचक दयाराम श्रेष्ठ लगायतका कतिपय वरिष्ठ लेखकहरुको सँलग्नता रहेको यस पँक्तिकारलाई बताउनु भएको थियो ।

मदन पुरस्कार गुठिका अध्यक्ष रहेर नेपालको नोबेल पुरस्कार मानिने मदन पुरस्कार तथा जगदम्बा पुरस्कार वितरण गरेर नेपाली साहित्यमा प्रत्यक्ष र अग्रज भूमिका खेल्ने दीक्षितले करिब ७५ कृतिहरु (प्रायशः अनुसन्धानात्मक) प्रकाशित गर्नुभएको छ । छन्द कवितामा विशेष दखल राख्ने र छन्दको प्रचार प्रसार, सँबद्र्धन र प्रयोगमा दत्तचित्त दीक्षित काठमाण्डौमा हुने कोठे कविता गोष्ठिको सँरक्षकपनि हुनुहुन्थ्यो । त्यसैले सो गोष्ठिका अध्यक्ष तथा कवि रमेश खकुरेल भन्नुहुन्छ “मैले त अभिभावक नै गुमाएँ ।”

यस समाचार लेखकसँगपनि प्रत्यक्ष सम्पर्कमा रहनुभएका दीक्षित असाध्य मिलनसार र मृदुभाषी हुनुहुन्थ्यो । नयाँ लेखकहरुलाई आफै सम्पर्क गरेर तिनका कृतिप्रति टिप्पणी गरेर हौसला प्रदान गर्ने गरेको अनुभव धेरै पटक गरेको छ । मदन पुस्तकालयमा दर्ता हुन आएका कृतिहरुको आफैँ दर्ता गर्दै ति लेखकहरुलाई दर्ता नम्बर पठाउने काम गर्नुहुन्थ्यो ।

एकै परिवारका पाँचै पुस्ता लेखक रहेका अन्त कतै नसुनिएकोले यस विषयलाई गिनेज वल्र्ड रेकर्डमा दर्ता गराउने वहाँको निकै ठुलो रहर थियो । सोकोलागी यस लेखकले सो सँस्थासँग पत्राचारपनि गरेको थियो । तर लामो प्रक्रियाको कारणले यो योजना त्यसै थन्कियो ।

वहाँकी श्रीमति अन्जुदेवी दीक्षितको लामो समय कोमामा रहेर गत वर्ष पुष ३ गतेमात्र निधन भएको थियो ।

साहित्यकार दीक्षितका दुई छोरा कनकमणि दीक्षित तथा कुन्द दीक्षित र छोरी रुपा जोशी रहेका छन् ।


Comments

सम्पर्क माध्यम

khasskhass@gmail.com
Share |