कार्यकर्ता
बिपूर्ण तारा, ( )
फ्लाईटभरी उसले
राजनीतिक भबिष्यको सपना देख्यो
दुखदायी बाँचेका क्षणहरु
चिच्याई चिच्याई कराएका नाराहरु
र उ हिँडेको सडकहरु
उसले बनाएको सेलहरु
उ विक्षिप्त हुँदै सोच्यो
उ बिदेशिँदै गरेको आकाश ।
जिन्दावाद र मुर्दावादका नाराहरुमा बर्सेका कोर्राहरु
स्तब्ध बनेका सडकहरु
उ सोध्दै छ आफैसँग
म किन हिँड्न सकिन राजनितिक बाटो हुदै
एकाध बर्ष अरु ।
यि टाउकोहरु
नेताको रिमोटका चिपहरु
आज बिनासित्ति
नेताको ब्यहोराले थाकेको छ ।
र ड्यामेज भएको छ
राजनीतिक भबिष्य
ऐस सँगै नेताको ।
उ नेता बन्न जुर्मुराउँदाका मासहरु
आज बिनासित्ति खेमामा बाँडिएर
आफु आफु जुधिरहेका छन्
उ खुईया गरेर प्लेनलाई थुक्छ
नेताले उड्न सिकाएको घर ।
उसले धेरै बर्षको योजना बनायो
नेता बन्ने
चाकरी नगरी
तर उ पैसामा खुम्चियो ।
किन भने उसले राजनीतिलाई व्यवसाय बनाएन ।
उ क्रियाशिल कार्यकर्ता
राजनितिक ब्याबसायमा टाट पल्टेर
उ आकाशमा
पिँजडाको निश्चित गरेर
आज उडिरहेको छ ।
आगत कल्पिदै ।