ढुङ्गालाई

केदार श्रेष्ठ 'गगन', (भीमस्थान-५सिन्धुली, हाल-यू.ए.ई.)

ढुङ्गालाई पगाल्न खोजेँ आँफै गली गएँ
जिउने रहर हुँदाहुँदै आज मरे सरी भएँ ।

बादल जस्तै भाग्यौ हावा बनि पछ्याईरहेँ

कारण खोज्दा खोज्दै आफैँलाई सच्याईरहेँ

अनायास आँखाबाट आँसु त्यसै झरी रहे

जिउने रहर हुँदाहुँदै आज मरे सरी भएँ ।

दुःख लुकाएर हरपल तिमीसँगै हाँस्न सकुँ

चोखो माया तिम्रै लागि सधैँ साँच्न सकुँ

ईच्छाहरु सेलाएर छेउमा बसी हेरी रहेँ

जिउने रहर हुँदाहुँदै आज मरे सरी भएँ ।

khasskhass@gmail.com

Share |