प्रतिक्षा
नरबहादुर दाहाल, (दार्जीलिङ)
कहिँ पऩि, कतै पनि,
जबसम्म आउँदैनौ तिमी,
फैलिँदैन त्यहाँ कुनै रोशनी ।
तिमी आउँदा,
छर्दै आउँछौ ,
जूनको चाँदनी ।
तिमी आउँदा,
झर्छ रगंविरंगी इन्द्रेणी ।
तिमी बटुल्दै आउँछौ,
माया हृदय भरि ।
यसैले
तिम्रै प्रतिक्षामा छु म हरघड़ी।
जहिले पनि,
तिमी बिना म अपूर्ण छु ।
जहिले पनि
तिमी बिना म अतृप्त छु ।
अहिले पनि
तिमी बिना म उद्विग्न छु ।
यसैले
मन त शीथिल छँदैछ
मुहार पनि छ मलीन ।
मनमनै भन्छ शीथिल मनले
प्रिये,
कति लामो भएको नि-
यो दिन !