हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

नुवाकोटे कवि तामाङको \'सम्बोधन\' उत्कृष्ठ,(khasskhass.com)

ए एन ए को बार्षिक सम्मेलनको अबसर पारेर उत्तर अमेरिका नेपाली साहित्य प्रतिष्ठानको आयोजना गर्न गत साल देखि शुरु गरिएको अन्तराष्ट्रिय कविता प्रतियोगिता शुक्रवार ए एन ए २९ औं सम्मेलन स्थलमा सम्पन्न भयो ।

त्यस अबसरमा हेम सरिता भानुभक्त काब्य पुरस्कार नुवाकोटका कवि रामबहादुर तामाङको कविता \'सम्बोधन’ लाई प्रदान गरिने जानकारी गराईएको थियो । पुरस्कारमा प्रमाणपत्र सहित १ हजार अमेरिकी डलर रहेको छ ।

यसैगरी दोस्रो स्थानको ३ सय डलरको शर्मा मुडभरी मोतिराम काब्य पुरस्कार क्यानाडामा वसोबास गर्दै आउनु भएकी भावना पोखरेको कविता 'चराहरु’ लाई दिइने भएको छ ।

पोखराका शरण "आँशु"लाई २ सय डलरको बशुन्धरा गणेश रोक्का देवकोटा काब्य पुरस्कार प्रदान गरिने पनि कार्यक्रममा जानकारी गराइएको थियो ।

नेपाली साहित्य प्रतिष्ठान उत्तर अमेरिकाको आयोजनामा सम्मेलन ए एन ए २९ औं स्थलमा भएको अन्तर्राष्ट्रिय नेपाली कविता महोत्सव २०११ को अवसरमा यो पुरस्कारको घोषणा गरिएको हो ।

प्रतियोगिताको लागि २ सयभन्दा बढि कविता प्राप्त भएको प्रतिष्ठानले जनाएको छ । गोविन्द सिंह रावतको संयोजकत्वमा रहेको छनौट समितिले कविता चयन गरेको हो ।

कार्यक्रममा प्रतिष्ठानको निम्तोमा नेपालबाट आउनु हुने चन्द्रकला नेवा, पद्मावती सिंह, विश्वविमोहन श्रेष्ठ, ललिता दोषी तथा स्थानीय साहित्यकार गोविन्द गिरि प्रेरणा, हेमन्त श्रेष्ठ, होमनाथ सुवेदी लगायतले कविता वाचन गर्नु भएको थियो ।

कार्यक्रममा प्रथम पुरस्कारका प्रायोजक हेम पाठकले देशबाट टाढा रहेपनि नेपाललाई सहयोग गर्ने हात अघि बढाउने प्रयास आफूले थालेको बताउनु भएको थियो । नेपाली दुतावासका प्रथम सचिव आनन्द शर्माको प्रमुख आतिथ्य तथा बसन्त श्रेष्ठको अध्यक्षतामा सम्पन्न कार्यक्रम हेमन्त श्रेष्ठले सञ्चालन गर्नु भएको थियो । उक्त पुरस्कारहरु अर्को एक छुट्टै कार्यक्रम बीच प्रदान गरिने छ ।

Comments

सम्पर्क माध्यम

khasskhass@gmail.com
Share |